هذي المشاركه تتكلم عن مواقف طريفه لبنات متزوجات حديثا واتمنى ان هذي المواقف ما تصير لبنات المدونة……
*فتاة قد تعودت هي وأخوتها إذا مـر أحدهم بجانب الثاني مـد رجله ليسقطه على الأرض ،،، فلما تزوجت وفي -الأسبوع الأول – من الزواج وحين نهض الزوج من وجبة الغداء لغسل يديه مــدت الفتاة رجلها – كالعادة – فسقط الزوج وكسرت ذراعــه واما الفتاة من شدة خجلـها من الموقف ذهبت لأهلهـا !!!!!
* خطب احد الأشخاص أخت صديقــه وأراد من صديقه أن يمكنه من رؤيتها – دون أن تشعر الفتاة – وقام الأخ وضبط الموقف حيث اشترى بعض الأغراض وأدخل السيارة في الفناء الداخلي للمنزل ونادى أخــته لحمل الأغراض من السيارة – والخاطب يبصبص من شباك الديوانية – وجاءت البنت وحملت كرتون البيبسي وقامت تركض و تدوربالكرتون و( تفحط ) كأنها تقود سيارة !!!!!! ولم تعلم البنت الأ في ليلة الزواج حين اخبرها الزوج فما كان منها إلا أن بكت من شدة الخجل ،،،، ( اخوها شرير)
* واحد تزوج على زوجته ( ومن الحرة اللي فيها )… جت في ليلة عرسة خذت ثيابه اللي بيلبسها
ومسحت عليها قشر برشوم " والبرشوم فاكهه لها أشواك رهيبة وماتنشاف ( تعجبني وهو يستاهل)
*فيه وحده تقول في اول ايام زواجي طلب مني زوجي ان افتح له علبة بيبسي …. قمت وفتحت العلبة قدام وجهه و.. يا للهول طاااااااش البيبسي على وجه وملابسه والطوفه .. وانا مع خوفي جتني حاله هستيرية من الضحك وأنا أشوف هالموقف ..
* فيه وحده تستحي حيل ( تخجل جدا).. ولما تزوجت كانت تخجل حتى تتكلم مع زوجها .. وكانوا الحريم يلومونها على هالخجل الزايد ويقولون لها لازم تحكين مع زوجك و تمزحين معه ادزينه بايدك مثلاً .. وصممت هالمرأة على كسر هالحاجز من الخجل الزايد …ومرة من المرات هي وزوجها بالسطح يوم جاء الزوج بينزل مع الدرج ألا وهي تسرع وادزه( تدفعه ) وهي تبسم .. تدحرج المسكين وترن ترن مع هالدرج الى ان وصل آخر درجة وهو بعد ما استوعب وش اللي صــــــار .. ( ياريتها قعدت مستحية ابرك)
* وحده يوم عرسها بعد ما خلصت من المكياج والتسريحة .. جت تطلع على الحريم ووتقعد على المنصة .. شافت بعض ( الحمرة ) في ايدها دخلت تغسل ايدها وفتحت الحنفية .. ومـادرت الا والدش يصب على راسها !! ( يا حرااااااااام )
*وفيه وحده بعد تقول في الاسبوع الاول من زواجي حلمت اني العب مع اخواني وقام اخوي الصغير واخذ شي من اغراضي وقمت الحقه حتى مسكته وقمت اضربه واصفقه .. يوم توقظت لقيت اني اضرب زوجي !!
* موقف حصل لاحد البنات محرج جدا وهاكم الموقف البنت هذي انخطبت وطبعا جاء العريس وابوه لاهل البنت عشان يتفقون على لوازم الفرح والذي منه انتم عارفين طبعا 00المهم اللي حصل ان البنت واخواتها يبون يشفون العريس وكان في غرفه مجاوره للديوانيه يفصل بينهم باب سحاب صديقتي هذه واخواتها متجمعين عند الباب ومطفين النور وكل واحدة ادز الثانيه تبى تشوف وفي هذه المعمعه والدافع والمدفوع لشوفة العريس ولكثرة الضغط والدفع مادريت البنت الا وهي مدفوعه من الباب .. طبعا موقف لا تحسد عليه ( يسلاااااااام الحين يقول هى قاصدتها)
* * * هالبنت عاد مسكينه.. كان اخو صديقتها معجب فيها فقال لاخته اعزميها عشان اشوفها اخر مره واخطبها .. قالت زين .. قامت اخته وعزمت البنت وهى قاعده بالصالة .. قامت اخت الولد قدمت للبنت كاكاو قامت البنت رفضت وقالت شكرا .. طبعا كل هذا والاخ العزيز يطل عليهم .. قامت الاخت وراحت للمطبخ .. البنت عجبها الكاكاو شتسوي؟؟ قامت اخذت الكاكاو وحطته بالجنطه .. وبعدين قام الاخ وتزوج هالبنت وفي ليلة العرس قالها : بسالك سؤال؟؟ ليش ذاك اليوم سرقتى من عندنا كاكاو؟؟؟ يعنى يبي يتغشمر معاها …. البنت طبعا قامت تبكي وراحت لاهلها … ( انا لو مكانها اطقه )
ان شاءلله ما اكون طولت عليكم ويااااااارب تعجبكم القصص.. منقول
ومسحت عليها قشر برشوم " والبرشوم فاكهه لها أشواك رهيبة وماتنشاف ( تعجبني وهو يستاهل)
