<< أعرف شخصيتك من سيارتك >>

السلام عليكم ورحمه الله وبركاته

كيفكم ان شاءلله بخير…. ماحبيت أحط هذا الموضوع الأ عشان الضحك والفرفشة

وأهم شئ ولحد يزعل….<<<<< أعرف شخصيتك من سيارتك >>>>>>>>

( كابرس) فأنت شخص شديد وشعبي وتحب الفزعة ولا تحب الميوعة

( كراسيدا ) مهبول وحق فرفشة لكنك مخفة

( مازدا ) تحس دائما أن ودك توقف عند الاشجار بدافع غريزي كون ان معك بقرة

( مكسيما ) طايش ومتهور تظن ان معك فيراري عشان كذا دايما داعس على البنزين للآخر

( هوندا اكورد) مصدق نفسك ان سيارتك كشخه

( بي أم دبليو ) يا هوه من قدك وشايف نفسك ودايم تتكلم بالجوال عند الأشاره

( كاديلاك ) تكره المطبات عشان عشان الوكالة غاليه بس انك حبووووووووب

( داتسون ) تحس أن أسمك هيثم وودك تشرب كابتشينو دايم بس بطل مشاكل

( مرسيدس ) ولد نعمة وشايف نفسك لكن أنصحك لا تجاكر اللي معهم كوابرس تراهم ما يرحمون

(جيب ربع ) فنان تطعيس بس الاخلاق تجارية

(لند روفر) الله يخلف عليك دمك خفيف

( أس تي أس ) كل يوم رايح للوكالة عشان تسوي لها صيانة

( سفاري ) تحب الطواقي والدخان

( سوبربان ) تجمع عرابجة حارتكم عشان تدورون وتزعجون خلق الله

( كورولا ) أكبر ما فيك راسك ومع ذلك ما تستخدمة

( بيجو) فاهم الدنيا غلط

( جمس حوض ) عصبي ومرجوج وقمة سعادتك انك تحد خلق الله

( كامري ) مهجول وتحب اللفلفة وياتدخن أو تعسل ومسرف في البرية والسواليف
ومزعج الناس بالمسجل كأن محد عنده مسجل الا انت بس أنك حبوب

( لكزس 400) دايم مهدي وراز خشمك بس في النهاية ما معك الا تويوتا

( أودي ) شكلك شخصية وثقيل بس لين تكلمت خربت الشغلة كلها

( تيرسل ) تحب تفرفر بين الحواري وتزعج الناس بالبواري

( ميركوري ) شايف نفسك ومغرور بس على أيش

( كراون ) حبيب وهادي بس أحيان تخربه

( كرايسلر ) غثيث

( انفنيتي ) رسمي مهتم بشكلك اكثر من عقلك

( كابرس أس أس ) خفيف دم ومجلسك ما ينمل منه

( جيب ربع ) مجنون بر وسوالف

( هوندا ليجند ) تحب تقزقز وتتلفت على خلق الله

( ايسوزو ) مكروه من قبل الناس لأنك ببساطة كتمت انفاسهم بالديزل

( لكزس 300) انيق وجذاب

( كروان فكتوريا ) مجنون كورة وتحب الفصفص

( لومينا ) وش حليلك بس المشكلة انك متعصب بزيادة لناديك

الله ….الله …. بردود أخوكم عووووووووووووووووووابد.


سبحان الله و بحمده

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

Scroll to Top