..مرحبا بكم جميعـآ
مقياس الرجوله ..يكمن في ماذا .؟
شاعر صاغ المعاني .. فـ تكدست الحكمه ..
وأنطلقت تصدح عاليـآ ..
فـ إنصتوا .. ماذا تقول الرجوله … ولمـن ..؟
/
/
تـرى الرجولـه مـاهـي شماغ وعقال
ولا هــي بشـوتـن خبّنـوهـا الهـنـودي
ولا هي قصـور ولا هـي أولاد وأمـوال
ولا هـي أراضـي مــا تـحـدّه حــدودي
المرجـلـه أصـنـاف يـاخـوي وأشـكــال
فـيـهـا الـمــلازم والـلــوا والـجـنــودي
المـرجـلـه أقـــوال توفـيـهـا الأفــعــال
كلـمـة وفــا تيـبـس عليـهـا العـهـودي
المرجـلـه أخــلاص وأيـمـان وأعـمــال
وخـيـرن مـــع الأيّـــام دايـــم يـــزودي
المرجلـه لا أرضيـت عمّـك مـع الـخـال
وبـرّيــت بـأمــك والأبـــو والــجــدودي
الـمـرجـلـه فــرحــة يـتـامــا وعـــــوّال
تضـحـك لــك الدنـيـا وكــل الـوجـودي
المرجلـه صبـرك علـى بعـض الانــذال
وصبرك علـى جـارك ولـو هـو يهـودي
المرجلـه مبـدا علـى الــراس ينـشـال
مــا يـنـزل ألا فــي بـيـاض الـلـحـودي
المرجلـه يـا خـوي فــي راحــة الـبـال
فـي ركعتـن بااللـيـل مـالـه شـهـودي
المرجـلـه جـنّـه عـلـى الأرض وظــلال
لو عشـت باالصحـرا بوسـط النفـودي
المـرجـلـه لا قـالــت الـنــاس رجّــــال
لو ما انكتب فوق البطاقه ( سعودي )
تحياتي
دق التحية قدامك شرقاويـــــــــــــة
/
