يابوي جعلك للبقا والمكاسيب
عمري بدونك يالذّرا ويش أبي به
يابوي تسأل عن شفاك المراقيب
طلعة سواتك للنّوايف غريبه
ليه المرض مايعرف الزّين والعيب
مايدري انك للمخاليق هيبه !!
أبسألك وش به غزا وجهك الشيب
والقلب لايع والنواظر شحيبه
وش بك تحاتي لانوى الموت تغريب
تخشى علينا بالليّالي الكئيبه
خذ دلّتك واركى على مسند الجيب
وعطني شماغك بلثمه وأحتمي به
ونروّح لأرض ٍ بها العشب والطيب
وتسمع كلام ٍ يالغلا تحتفي به
يابوي بنتك لاانحكى بالتّجاريب
كل ٍ يشق لهيبه الصّيت جيبه
يابوي ماني من سوات المخاريب
اللّي تجيب لعليَة القوم خيبه
وماني من اللّي لامشت حفّها الرّيب
أنا من اللّي مايدنّس حليبه
مرفوع شاني عن غرام المكاتيب
وأكبر من انّني أرتضي بالحبيبه
أنا غرامي لاابتدوا بالتّراحيب
نفوس الأوادم في وجودي رحيبه
وان كان زيني فتنة ٍ للمصاويب
أحط وجهي بالحريق ولهيبه
زيني أبيعه وأشتري سمعه الطّيب
اسم ٍ ينومس بالصّروح الذ ّهيبه
وان كان عندي ( بالحلا) شي ٍ اصعيب
عندي جدود ٍ مارضت بالغليبه
دموع القبايل في لقانا مساكيب
كن المقابر لاحضرنا قريبه
خضّبت لك كفّي من العز تخضيب
ورفعت راسي للنّجوم الصّعيبه
والله لأسدّك بالفعول المصاليب
والله لأشيلك بالرخا والمصيبه
طلع المعالي ماانحكم للشّواريب
بنت ٍ وأناطح فارس القوم طيبه
وياشيخي إبشر لوتدور الدّواليب
بنتك إلا منّه عوى الذّيب ( ذيبه)
تحياتي
دق التحية قدامك شرقاويــــــــــة
طلعة سواتك للنّوايف غريبه
مايدري انك للمخاليق هيبه !!
والقلب لايع والنواظر شحيبه
تخشى علينا بالليّالي الكئيبه
وعطني شماغك بلثمه وأحتمي به
وتسمع كلام ٍ يالغلا تحتفي به
كل ٍ يشق لهيبه الصّيت جيبه
اللّي تجيب لعليَة القوم خيبه
أنا من اللّي مايدنّس حليبه
وأكبر من انّني أرتضي بالحبيبه
نفوس الأوادم في وجودي رحيبه
أحط وجهي بالحريق ولهيبه
اسم ٍ ينومس بالصّروح الذ ّهيبه
عندي جدود ٍ مارضت بالغليبه
كن المقابر لاحضرنا قريبه
ورفعت راسي للنّجوم الصّعيبه
والله لأشيلك بالرخا والمصيبه
بنت ٍ وأناطح فارس القوم طيبه
بنتك إلا منّه عوى الذّيب ( ذيبه)
