صبحكم / مساكم الله بالخير جميعا ..
شعراء ـ متذوقين شعر
تلومني قبل أمس يومي تضايقت ..!
القصيده :
ليت الأماني كل ماجالها وقت
تحققت لو نصف بعض الاماني
ما كنت بظروف الليالي توهقت
ولا طحت من عيني وأنا اعرف مكاني
وش فادني شوقي وأنا كل ما اشتقت
ظرف الزمان يهدني ويحداني
عليك ياللي كل ما أحتجت لك بقت
طيبي وتقديري وصفوة حناني
تلومني قبل أمس يومي تضايقت
يومي خسرتك في مجرد ثواني
يومي وقفت بوجه روحك وبرقت
شفتك خطا مدري خطاك أبتداني
مدري ولكني من الطيب صدقت
وعديتك اكبر واحد من إخواني
لله درك بالزمن كل مارقت
عطيتني وجهك ووجهك خذاني
حطيتني بصعب قرار وتوفقت
وخليتني بعيون الايام جاني
وأصبحت أنا المخطي وانا اللي تعلقت
بلشت بخبول البشر يازماني
إللي تحاسبني وأنا ما تدرقت
حشمتها حشمة عريب المجاني
إللي تسبق بالخطا كل ما فقت
وأنا أحترم نفسي على شان شاني
مابي خطاي يعانق الجرح لا ضقت
وإن طحت واقف لو نصيبي رماني
تدري وش الصدمة إذا أنك تحققت
وتدري وش إللي غثني وابتلاني
ليت الاماني كل ما جالها وقت
تحققت لو نصف بعض الاماني
ما كنت بظروف الليالي توهقت
ولا طحت من عيني وانا اعرف مكاني
للشاعر ابو خالد / رحيل الوهبي الشمري