أبـسـط حقوق [ الـغلا ] لا جيت تعرفـها..!

صبّحكم / مسّاكم الله بالخير جميعا…

هذي قصيده لاخوي ابو خالد الشاعر / رحيل الوهبي الشمري .
في [ ابـوه الله يرحمه ] ويرحم أموات المسلمين. اسال الله العظيم ان يرحم ابونا وابوه في قبره ويجعل قبره روضه من رياض الجنه ويرحم اموات المسلمين والمسلمات اللهم امين.
7
7
7
7
أبـسـط حقوق [ الـغلا ] لا جيت تعرفـها

القصيده :

ماكل [ ذكــرى ] تـمرالقلب تبكـيني
ولا كـل ساعه تضّيقني وتشقيني

إلا [ رحيلك ] عن الـدنيا وما فيـها
يوقّف الـقّـلب مابينك ومابيني

احساس روحي وتقدير الوفاء فيّا
يبكيك فيني قبل ماتفقدك عيني

ياموت قلبي وياهمي وياضيقي
أشوفك بكل خلق الله تباريني

ماهو كلام وخيال وخاطره قلته
لا والله الا حقيقه شفتها فيني

لو ما أنت غالي وتسوى عالمي كلّه
ما اكتّبك عقب اربع سنين وتبّكـيني

ياموقف الصمت وياعالم محبينه
ان كان لي قدر عندك لا تعزينـي

صحيح( مات) وبقىَ في داخلي عايش
مع كل لحظه تذّكرني شراييني

لو ( مت ) في ذمّتي مـاغبت لو لحظـه
شيّ يجيبك وشـيّ لك يودّينـي

تكبر معيّ بالغلا من دون ماتدري
واجلس معك وأنت سالي ماتسّليني

غصب عليك ( القدر )حطك وخلاني
احيا بدونك على الذكـرى وترجيني

مقسوم الّايام لا يذبحك ويضيمكَ
انا عليّ اوفـي بقلبي وبيديني

مامات خيّر يّسوي الخير ويودّه
يلقاه بكره وشفني مهدي اسّنيني

لله خالص عسى يقبل دعاوينا
هذا غلاي الذي ( بينك) وما بيـني

أبـسـط حقوق [ الـغلا ] لا جيت تعرفـها
شف لا ذكـرتك وش اللي [ طاح ] من عيني

للشاعر اخوي ابو خالد / رحيل الوهبي الشمري

وهذا رابط القصيده بصوت اخوي الشاعر ابو خالد / رحيل الوهبي الشمري
—-__—————-Re1Re7.mp3 – 4shared.com – online file sharing and storage – download

---

سبحان الله و بحمده