رغم الظلام اللـي يطـوّق عيونـي
ما كنت اخاف اطيح وان طحت باقوم
ما كنت اخاف اطيح وان طحت باقوم
احيان احسّ ان البشـر يحسدونـي
واحيان احسّ انهم يقولون محروم!
واحيان احسّ انهم يقولون محروم!
احيان اجرّح من دموعـي جفونـي
واحيان احسّ اني من الدمع معصوم
واحيان احسّ اني من الدمع معصوم
ولو تمتمـوا حسيتهـم يقصدونـي
وان جاهرو كنّي من الناس مرجـوم
وان جاهرو كنّي من الناس مرجـوم
في داخلي حلـم المـلا يبصرونـي
اتعب ولاني بالتعب يـوم مرغـوم
اتعب ولاني بالتعب يـوم مرغـوم
اشتاق اشوف الناس والناس دوني
وانا البعيد اللي مع النـاس ملمـوم
وانا البعيد اللي مع النـاس ملمـوم
في غربتي .. حلمي تثاقـل متونـي
في غربتي.. محدن اقاسمه الاهموم
في غربتي.. محدن اقاسمه الاهموم
في غربتي لو مالبشـر يوصفونـي
توقّض الحيرة حياتـي مـن النـوم
توقّض الحيرة حياتـي مـن النـوم
في غربتي ما اقول كلهـم نسونـي
لكن قليل اللـي طرونـي لهاليـوم
لكن قليل اللـي طرونـي لهاليـوم
ولا غرّد العصفور نبـرة شجونـي
والارض تنطق لا تعثرت محشـوم
والارض تنطق لا تعثرت محشـوم
اتلمّس اشيائي احـسّ افقدونـي
واعطف على الحايط ولو كان مهدوم
واعطف على الحايط ولو كان مهدوم
من غيرهم لامن حكيـت اسمعونـي
من غيرهم في ظلمت الوقت معزوم
من غيرهم في ظلمت الوقت معزوم
والا البشر مـا عمرهـم بشرونـي
قوم ن تخالف وجهة الدين والقـوم
قوم ن تخالف وجهة الدين والقـوم
حتى السلام احيان يخلـف ظنونـي
لاجيت اسلّـم كنّـي اقـول مغمـوم
لاجيت اسلّـم كنّـي اقـول مغمـوم
اعمى.. وابي كل البشـر يتبعونـي
ولاحدن على غيره من الناس ملزوم
ولاحدن على غيره من الناس ملزوم
امشي كذا .. لوكانهم يفهمونـي
ما قالوا اني غير واثـق وزيـزوم
ما قالوا اني غير واثـق وزيـزوم
اتعمد الطيحه ..واقـول امسكونـي
عشان اقول:الحمد والشكر لـه دوم
عشان اقول:الحمد والشكر لـه دوم