على سطح الورق تنزَف مشاعر والدموع تسيل 8عيون ترقـب نجـوم السمـا والليـل لاهلّـه
وانا حثيت لاركابي ومقصـودي وفـا بالكيـل 8على نجم معاريجه بعيده كيـف ابوصـل لـه
انوف جتك مرفوعه وتحته جـا لهـا تذليـل 8متى ماراد يرعاهـا وهـي دايـم تمثـلّ لـه
شخصت بناظري يمه ويلحظني وعيني اتخيـل 8تهاوت دونه نجوم بقـى لـه ذا الفضـا كلّـه
وفي حزات اخيل البدر جنّب من جنوب يميل8 ولا يقدر يمرّك ياشمـال الـدار وافطـن لـه
ومرات نخيله ينـدب لحظـه ينـادي سهيـل 8لعلـه يخبـره بالجـدي خجـلان بـه الذّلـه
وحالي مثل من ضيّع طريقه والجبـال تهيـل 8ضرب في كل وجهه ضاعت رسومه ولا دلّه
مساحاتي قصيره والمدى مـن يمهـا بالميـل 8وعلى يمنى الطريق ونرقب التصريـح لافلّـه
ألا يا ليل ياليل العنـا ماعـاد رجلـي تشيـل8 لزوم تقرّب العالي على روحـه علـى خلّـه
وعلى رغم العذاب اللي لفاني هدّ ذاك الحيـل8 ليـا منّـه بدالـي زال مابـي والعنـا سلّـه
روى حرفي سما طرفي دعاني شاعر للجيـل 8رقى حظّي شفا نبضي همس باذني على ملّه
على ملّه على ملّه وأملنـا ناصـل التأهيـل8 ولكـن البـلا كسـر الجنـاح ارواح منشلّـه
قسم بالله ماقَصْرَتْ خطـاه ولا غـزاه بْخيـل8 ولكـنّ القـدر هـذا ونصبـر عَلّـه وعَلّـه
على باب الفرَج نرقب لـزوم نـزوّد التهليـل 8ونتفاءل يزور الخيـر يطفـي صالـي الملَّـه
أمل بالله راجينـه تعالـى فـي هزيـع الليـل8 يحقّـق لـي مطاليبـي ويرجـع كـلّ لظلّـه
وعلى سطح الورق جاتك علوم دون ما تفصيل 8عجز ذاك الورق يحمل معانـاة تفصّـل لـه
الشاعر..
محمد العامر
وانا حثيت لاركابي ومقصـودي وفـا بالكيـل 8على نجم معاريجه بعيده كيـف ابوصـل لـه
انوف جتك مرفوعه وتحته جـا لهـا تذليـل 8متى ماراد يرعاهـا وهـي دايـم تمثـلّ لـه
شخصت بناظري يمه ويلحظني وعيني اتخيـل 8تهاوت دونه نجوم بقـى لـه ذا الفضـا كلّـه
وفي حزات اخيل البدر جنّب من جنوب يميل8 ولا يقدر يمرّك ياشمـال الـدار وافطـن لـه
ومرات نخيله ينـدب لحظـه ينـادي سهيـل 8لعلـه يخبـره بالجـدي خجـلان بـه الذّلـه
وحالي مثل من ضيّع طريقه والجبـال تهيـل 8ضرب في كل وجهه ضاعت رسومه ولا دلّه
مساحاتي قصيره والمدى مـن يمهـا بالميـل 8وعلى يمنى الطريق ونرقب التصريـح لافلّـه
ألا يا ليل ياليل العنـا ماعـاد رجلـي تشيـل8 لزوم تقرّب العالي على روحـه علـى خلّـه
وعلى رغم العذاب اللي لفاني هدّ ذاك الحيـل8 ليـا منّـه بدالـي زال مابـي والعنـا سلّـه
روى حرفي سما طرفي دعاني شاعر للجيـل 8رقى حظّي شفا نبضي همس باذني على ملّه
على ملّه على ملّه وأملنـا ناصـل التأهيـل8 ولكـن البـلا كسـر الجنـاح ارواح منشلّـه
قسم بالله ماقَصْرَتْ خطـاه ولا غـزاه بْخيـل8 ولكـنّ القـدر هـذا ونصبـر عَلّـه وعَلّـه
على باب الفرَج نرقب لـزوم نـزوّد التهليـل 8ونتفاءل يزور الخيـر يطفـي صالـي الملَّـه
أمل بالله راجينـه تعالـى فـي هزيـع الليـل8 يحقّـق لـي مطاليبـي ويرجـع كـلّ لظلّـه
وعلى سطح الورق جاتك علوم دون ما تفصيل 8عجز ذاك الورق يحمل معانـاة تفصّـل لـه