صدمه الخيانه , خــرج و سيعــود

اهلا وسهلا ومرحبا بكم في منتديات السعودى الرسمى..
يسعدنا ويشرفنا ان نقدم لكم كل ما هو جديد في عالم الحياة الزوجية وللمزيد من موضوعنا فى عالم الحياة الزوجية وكل ما يحص بعالم المراءة نرجو زيارة قسم الحياة الزوجية 2024 عبر الرابط التالي :
<https://www.al-s3odi.com/vb/f111.html>

خـــــــــرج و سيـــــــعود

عنوان غريب !!
لان ده هايكون شعار بهديه ..
الي
كل ست خانها جوزها
و لكل ست فاكره انها بعيده عن الخيانه..
اقري موضوعي
يمكن تستفيدي او تفيدي حد بيه

[url=https://www.gulfup.com/?sUOVuH][/url

جوزك خانك و مصدومه
بكيتي كتير و صرختي و عديتي مرحله الذهول
تعالي اقولك ترجعيه لعقله اذاي
اذاي تحرجيه و تخليه يتكسف من نفسه

اوعي تقولي الطلاق الطلاق
اذاي تخلي عقربه تخطف جوزك و تساعديها بطلاقك
تنسحبي من معركه انتي اكيد فيها الكسبانه
انتي ام الاولاد
انتي اللي في النور و شرع ربنا
انتي الحلال و اللي معاكي ربنا
و اكيد انتي ادري الناس بجوزك
عارفه بيفكر في ايه .. عارفه بيحب ايه .. و معاكي مفتاحه

و افتكري اولادك
ماليهم ذنب يعيشوا مشتتين بين ابين منفصلين
مش اولادك اغلي حاجه في الدنيا
ما يستاهلوا تخوضي معركه عشانهم
مش لو اي حاجه حاولت تأذيهم بتدفعيها عنهم بكل حبك و عزمك و احيانا شراستك
طيب هما محتاجين ترجعي ليهم ابوهم
و ما تنفسي عن غضبك و حزنك فيهم
صدقيني
ماليهم اي ذنب
انتي اخترتي ابوهم
و لازم تخليه جدير بيهم

اول حاجه لازم تكوني صريحه مع نفسك
لو عايزه تضحكي علي نفسك و تفضلي تبكي و تقولي عملت ايه استهاهل عليه خيانتك
يبقي عمرك ما هاترجعيه
صارحي نفسك محدش ادري منك بيكي

اكتبي في ورقه انتي بتعمليه ايه عشان ترضي جوزك
اكتبي اي نقد وجهه ليكي حتي و لو كان في صوره هزار
افتكري انتقاداته و بالذات و هوه متعصب
و اسألي نفسك اهم سؤال
انتي بتعرفي ترضيه في السرير!!

و بصي في مرايتك
أسألي نفسك أنتي واثقه بنفسك؟
انتي بتحبي نفسك؟
انتي بتعملي ايه لنفسك؟
بتدللي نفسك؟
بتحبي ايه في شكلك و ايه مش راضيه عنه؟
ليكي هوايات و ليكي وقت مخصصاه ليكي انتي لوحدك؟

اكتبي كل حرف
و ابداي صفحه جديده
روحي لربنا صلي و ادعيه يساعدك
و استغفري ربنا في كل وقت
و طلعي صدقه بنيه ان ربنا يفرج همك

و ابدأي اشتغلي علي نفسك
ماتضيعي وقتك في النبش وراء العقربه اللي نفثت سمها في حياتك
و ماتضيعي وقت في الشكوي لاصحابك
لان منهم هاتنصحك نصيحه غلط
و منهم اللي هاتشفق عليكي او تشمت فيكي
و نادر انك تلاقي واحده تشد بإديك و تقولك انك في معركه
و الاكيد ان كل اللي هايعرف بالموضوع هايجدد فيكي جرحك كل ما تشوفيه او تتكلمي معاه
صدقيني
الشكوي خليها لربنا

بعد ما توصلي لاسباب ابتعاد جوزك عنك في جلسه صراحتك مع نفسك
ثقفي نفسك
اقري كتير
و شوفي ايه تاني ناقصك
شوفي اذاي تكوني انثي غير عاديه
انثي جذابه
انثي رقيقه
اتعلمي فنون الدلع و الاتيكيت
اتعلمي فنون الحياه الزوجيه و ماتنسي ثقافه السرير!!

جددي دولابك
جددي افكارك و طريقه حياتك
جددي شكلك شعرك و مكياجك و طريقه لبسك
اتعلمي امتي تتكلمي و امتي تسكتي ..
خليكي دايما مبتكره
و ابتكري اكتر في الجنس مع زوجك
اصنعي سعادتك بإيديكي
لوني حياتك و ماتقفي علي اللون الاسود

ارجعي زي ما كنتي قبل جوازك
افتكري ايه جذب جوزك ليكي و خلاه يختارك انتي
اعتبري نفسك في اول ايام جوازك
ده شهر عسلك
ارضي فيه جوزك
دلعي فيه نفسك
فجأيه كل يوم بلمساتك و شخصيتك و حبك و بجمالك
خليه يحس بالتغيير و باصرارك علي رضاه اللي من رضا ربك

هاتقولي صعب اعمل كده و انا مجروحه
اذاي ابص في وشه بعد ما ذبحني بسكينه
اقولك
اخلصي النيه لربنا
جوزك وسيله لرضا ربنا عنك
خلي دي نيتك
و عمر ربنا ما ها يخذلك ابدا

و اكيد
جوزك هايحس و هايتكسف منك و من نفسه
شديه ساعتها لدنيتك و خليه يشاركك في ارضاء ربنا
طلعي فلوس من جيبه و قوليله دي اتصدق بيها لربنا
خلي يصلي لو حتي ركعتين زياده
او و انتي قاعده قوليله يستغفر ربنا و لو مره
و لو فكرتيه دايما بربنا
هايتكسف اكتر و يلين قلبه
و ان شاء الله اكيد هايرجعلك
و لما يرجعلك سامحيه و ما تفضلي تفكريه بالذي مضي
خليه يحس انك واثقه فيه
بس اياكي و الثقه العمياء
خلي ثقتك مفتحه
و ثقي في احساسك و ما تحاولي تخدعي نفسك
هاتعرفي امتي خرج و امتي رجع لدنياكي
و ما تخلي تغييرك بس لوقت ما تكسبي المعركه
خليه اسلوب حياه
و حافظي دايما عليه
و ارفعي شعار
خـــــــــــــــــــــــــــــــــــــــرج و سيــــــــــــــــــــــــــــــــــــــــــــــــ ـــــــعود

و ماتنسوني من دعواتكم

اللهم اجعل لي من كل ضيق مخرجا و من كل هم فرجا

منقول

---

سبحان الله و بحمده