.
يا اللى غرامك جرى في داخل عْروقي
خذيت كل الغلا ما عاد به باقي
كَنِّكْ مفَصَّل على ما أشتهي وذوقي
قلبك مثل قلبي.. وْأخلاقك أخلاقي
ليتك تحِس بْحنيني.. لهفتي.. وْشوقي
وآنا اتخيَّل عيونك تَحْضِنْ أشواقي
قلبي يقول لْعيوني بْشوفتك روقي
وْصِرْت في عين قلبي كل عِشَّاقي
يا دنيتي يا غلا عمري وْمَعْشوقي
صَدْري زَرَعْته وفا وانفاسك الساقي
دامك معي قِلْت للدنيا: تبي تْبوقي؟
بوقي على كيف كيفك صاحبي باقي
معاك يا اعْدَلْ بشَر ما احتاج لِحْقوقي
أوفيتني مْن الفرح والعشق باعناقي
قبلك ليالي تمر أسْهَرْ مَع حْروقي
ومن جيت غَيَّر تني يا الطيِّبْ الراقي
ديمة سعاده تظلِّلْ دنيتي فوقي
تمشي على خطوتي معشوقه لْساقي
يا اللى غرامك جرى في داخل عْروقي
خذيت كل الغلا ما عاد به باقي
أصْبَحْت وَزْن القصيد ولحن طاروقي
والشِّعِر يَرْقِصْ فَرَحْ وِتْغَنِّيْ أوراقي .
لـ : الشاعر احمد المهيري 