ما رسمتك في وجيه الناس

مدخل
جب لي شويّة نعاس وخلّني أغفى . .
اكذب على قلبي وقول انه : ابـ ياااتي !

أو هات لي درب يرحل بي إلى المنفى
محتاج أغادر عيوني وصوت : أبياتي !

المطر : صوت المسافر . .
……….. والصور : عبرة حناجر !
والسهر : صحوة مشاعر ، وانتي تكتبك السحابه !

ما نسيت الحلم باكر والأمل بـ الشوق كافر
كل ما تمطر فـ عيني : زدتك فـ عمري رحابه

يا أديبة ما نثرتك من خفوقي فـ الدفاتر

ما رسمتك في وجيه الناس إلاّ من كآبه

جيت لك صوت الدفاا
وقت الشتااا . .
……….. بـ احساس شاعر !
جيت لك : سطوة فكر / مجنون في طبعي غرابه

جيت لك صرخة طفل ما تعبر إلاّ فـ المنابر
جيت لك مكبوت منّي وما تفضفضني الكتابه !

يا أديبة وانتي أدرى لا صدقت فيني المشاعر
ملّ هذا الشعر يحكي شاعرك . . وأنتي غيابه !

المدى : غصن إنتظاري .. واللقا : ثمرات صابر
والمقادير اكسرت لي غصن وابكتني ذهابه

عشت لك : عمر العبير . .
………. وزهرة أحلامي تناظر
متّ لك : هذا الهجير . .
…………. ولا رواني إلاّ سرابه !

باقيٍ لـ أجلك خفوقي ينتظر رجعة مسافر
دام ما بعدك حبيب ولا صديق ولا قرابه

المطر : صوت الحنين ! ………
…….. وزفرة أنفاسه : خناجر !
كل ما نادى بـ قلبي : زدتك فـ عمري سحابه

---

سبحان الله و بحمده