ياللي كلامك كذب..زورٍ.. وبهتان
حياة مثلك يـ..الفشيله.. فشيله
ثمّن كلامك لايجي فيه نقصان
ماني من اللي تنحني للرذيله
أنا هويت انسان ما مثله انسان
أخلاقه اكبر من تفاهات جيله
اسمه على راس الطويلات نيشان
والا انت وقت الحق راعي طويله !
بالكذب والتزوير لسانك حصان
بالصدق والتقدير تخنق صهيله
ماهو بمثلك بالاقاويل بلشان
عز الرفيق وعز من يرتكيله
شرواك لا من ضاق بالوقت ينهان
كرامته عند البشر مستحيله
ما باقي الا تهل دمعات الاعيان
وتحكي لنا عن الف ليله وليله
وتسرج لنا خيل الاكاذيب وتبان
للذل صوره وللاهانه فتيله
والا انا لو كان للعز عنوان
قلبي عناوينه وروحي دليله
مردده من صلب ذربين الايْمان
وقت الشدايد كاسبين النفيله
هذه نصيحه جتك من قلب ولسان
خل المراجل للسيوف الصقيله
ماني من اللي تنحني للرذيله
أخلاقه اكبر من تفاهات جيله
والا انت وقت الحق راعي طويله !
بالصدق والتقدير تخنق صهيله
عز الرفيق وعز من يرتكيله
كرامته عند البشر مستحيله
وتحكي لنا عن الف ليله وليله
للذل صوره وللاهانه فتيله
قلبي عناوينه وروحي دليله
وقت الشدايد كاسبين النفيله
خل المراجل للسيوف الصقيله