× مصير الوقت يثبتلك وفاي ويحـرق اعصابـك ×
تعبت اكذب الواقـع واصـدّق كذبـة اعجابـك
لأني عاشق ٍ مخلـص ملكنـي حبّـك بسحـره
تعبت اراعي شعورك واغظ الطـرف بغيابـك
غشيم ٍ واحسبك وافي خدعـت القلـب بالنبـره
رخصت الكل من شانك.. رضيت اتحمل عتابك
ولكن للأسف حبّي مـن افعالـك ذبـل زهـره
تحملتك على ظلمك وقلت الوقت يصفـى بـك
واشوفك تلعب بذيلـك وغـدرك آه وش كبـره
وفوق الغدر تتمسكـن وتخفـي السّـم بانيابـك
وتظهر دمعتك تبغي تغش اللي رخـص عمـره
ولكن وفّـر دموعـك ترانـي خابـر العابـك
انا ماني مثل غيري ضعيـف النفـس والقـدره
محيت اسمك وشقّقت الرسايـل وانقفـل بابـك
ولا عاد المشاعر يحترك مـن شوقهـا شعـره
كرهت اسلوبك الماكر كرهت اناظـر اهدابـك
وعفتك عقب ما بانـت حقيقـة قلبـك وغـدره
مصير الوقت يثبتلك وفاي ويحـرق اعصابـك
وتتحسف على مافـات منـك وتمتلـي حسـره
بعلّمـك الوفـا واشلـون ليـن الغـمّ ينتابـك
واجرعك العذاب اشكال دامك بـرت بالعشـره
__________________
\
\
\
لأني عاشق ٍ مخلـص ملكنـي حبّـك بسحـره
غشيم ٍ واحسبك وافي خدعـت القلـب بالنبـره
ولكن للأسف حبّي مـن افعالـك ذبـل زهـره
واشوفك تلعب بذيلـك وغـدرك آه وش كبـره
وتظهر دمعتك تبغي تغش اللي رخـص عمـره
انا ماني مثل غيري ضعيـف النفـس والقـدره
ولا عاد المشاعر يحترك مـن شوقهـا شعـره
وعفتك عقب ما بانـت حقيقـة قلبـك وغـدره
وتتحسف على مافـات منـك وتمتلـي حسـره
واجرعك العذاب اشكال دامك بـرت بالعشـره
__________________
